Mak 4:7 & 17 | Wok Pris 20:6 – Insait long dispela tok piksa Jisas i bin mekim, sampela pikinini wit i pundaun long graun i gat ston na graun i no go daun tumas. Taim pikinini wit i kamap, i no got rop. Olsem na, taim san i go antap, em i kukim dispela wit na em i dai hariap. Mining bilong dispela tok piksa i olsem, dispela pikinini wit i olsem ol manmeri i harim tok bilong God, na ol save kisim tok kwiktaim na ol i amamas long en. Tasol, bilip bilong ol i no dip tumas, na taim hevi i kamap long ol, bilip bilong ol i save pundaun kwiktaim.

Sapos hevi i kamap long laip bilong yu, bai yu sanap strong long bilip bilong yu, o bai yu pundaun?