Reformed Churches Bible College (RCBC) i stap long Port Moresby, long 14-Mile rot i go long Sogeri.  Dispela baibel skul i kamap long 2007 na em i stap bilong helpim ol manmeri long kisim gutpela na trupela save long Buk Baibel wankain olsem ol sios bilong mipela (Reformed Churches of PNG) i save autim long ol manmeri. Olgeta kos i save kam long Inglis, olsem na ol sumatin mas i save klia gut long tok Inglis.  RCBC i save wokim tupela kos:

Certificate Program (2-yia kos)
Dispela kos i save skulim ol manmeri long planti hap bilong Buk Baibel.  Ol sumatin bai kisim ol kain unit olsem:
– Through the Word
– Christian Doctrine
– Leadership Skills
– Children’s Ministries
– Missions
– Christian Marriage and Family Life
– Personal Spiritual Life
– Church History
– English;

Wanpela bikpela samting insait long dispela kos em i wok bilong ol sumatin bilong eksonim ol trupela toktok ol i kisim insait long laip na femili bilong ol.

Diploma Program (3-yia kos)
Dispela kos em i wanpela strongpela kos inap long redim ol man sapos ol i laik kisim wok pasto long bihain taim.  Insait long dispela kos, ol sumatin mas pinisim kos wok na raitim sampela eksem na mekim sampela wok insait long ol Reformed Churches.  Ol lain husat i laik kisim dispela kos, i mas i wokim Certificate Program pastaim, na kisim gutpela mak long dispela.

Ol Board of Governors bilong RCBC, i makim skul fi bilong dispela yia (2019) olsem:

Wanwan man/meri (i no marit):	K850/yia
Ol marit lain (nogat pikinini):	K1,000/yia
Ol marit lain (i gat pikinini):	K1,000/yia
Ol pikinini (i abrusim 10pela krismas):	+ K100/yia
Ol pikinini (daunblo long 10pela krismas):	+ K50/yia

Mipela i no laik putim skul fi go antap tumas, olsem na olgeta sumatin bilong mipela i mas i mekim wok long RCBC gaden.

Sapos yu gat laik long kam long RCBC yu ken kisim hanbuk bilong ol sumatin (Klik hia long kisim 2019 RCBC Han Buk). Sori tru, mipela i no save enrolim sumatin long wanwan unit tasol insait long kos. Nogat. Ol sumatin mas mekim enrolment long ful kos o wanpela yia olgeta, na ol i mas sindaun long hap bilong RCBC.  Tu, mipela i no save mekim skul long internet (online) o correspondence.

Sapos yu laik kisim sampela save moa, yu ken kam long opis bilong mipela long 14-Mile, o yu ken yusim fon o email long toktok wantaim principal bilong RCBC.

REFORMED CHURCHES BIBLE COLLEGE
Sogeri Road, 14 Mile, Port Moresby
Principal : Mr Mark Mulder
Phone: 7002 8718
Email: markmulder64@gmail.com